Tomando como motivo recurrente as mans dos máis pequenos, fundindo imaxes coa música de fondo de Andy y Lucas "Las manos del mundo"e envolvéndoas con agarimo e tenrura crearon unha presentación que emocionou a todo o persoal congregado na biblioteca.

Moitas grazas, Mari, Lucía polo voso traballo e por querelo compartir con nós.

Comments

As nenas e os nenos que asistiron a este conto escacharon de risa con Manolo e a clase de 1º que tiña preparada a dramatización do conto de Barbie.

O conto da marea negra, que contou Fran e que xa tiñamos un pouco esquecida, serviunos para lembrar a importancia de respetar e conservar o grande tesouro da natureza, non só para nós senon tamén para as persoas que virán detrás e coas que temos unha grande responsabilidade.

Os escudos e as espadas pacíficas de Bea encheron de ledicia e fantasía o ambiente deste precioso conto co que aprendimos que antes de facer a guerra que causa sempre dor, sangue e feridas...podemos buscar alternativas tan orixinais como a que buscou a nosa espada pacífica e que de seguro nos fará esquecer o malentendido ou a discusión que orixinou o incio do conflito.

E co conto de Lucía "Por catro esquiniñas de nada", que por certo nos fixo pensar moito, decatámonos da necesidade de adaptarnos ante as diferencias  e as novidades. Deixamos por escrito o resumo do conto que fixeron entre Martín, Rebeca e Miriam de 6º:

"Había unha vez un cuadrado moi especial que tiña moitos amigos que eran círculos, xogaban todos os días e disfrutaban un montón...Un día foron a unha casa grande a xogar. As portas eran redondas e entraron todos menos o cadrado, xa que chocaba coas súas esquiniñas. Intentou doblarse, estirarse, arrugarse, poñerse boca abaixo, boca arriba..., pero por máis que o intentou non o conseguiu.

Os seus amigos preocupados pensaron en cortarlle as catro esquinas pero el tiña medo; entón os seus amigos fixeron unha reunión para pensar o que podían facer e despois de moito pensar déronse conta de que o problema o tiña a porta e non el, entón cortaron a porta para que o seu amigo puidera pasar, porque os círculos podían entrar pola porta cuadrada e así puideron entrar todos e xogar dentro."

Graciñas Manolo, Fran, Bea e Lucía por facer posible unha nova edición do ciclo de contos.

Comments

por que?

para que?

que sintes?

adícalle un pensamento a o teu gran amigo o libro e pono por escrito...será a túa homenaxe ó teu compañeiro para festexar o seu día. Pódeste inspirar no blogue http://implicadas.blogaliza.org e a túa frase sera exposta para o 23 de abril.

Ah! Se queres achegarlle unha imaxe en formato dixital quedaría moi orixinal!

Para participar fala co teu titor (primaria e secundaria)

Comments

O certo é que parecen ben interesantes cada un deles e que a temática que tratan é común: o valor da paz, da convivencia, dos valores éticos...

Nós aínda non sabemos o conto que escolleremos porque todos son especialmente atractivos, mais creo que nos dividiremos para logo poder enterarnos de todos.

Ah!, xa sabedes que este ciclo de contos pola paz celebrarase mañán antes do recreo verdade?

Comments

O atento público, rapazas e rapaces de primaria e de secundaria así como varias mestras e profesoras do centro, captou á perfección a idea central desta introducción: a necesidade de manter a mente aberta á imaxinación ao longo de toda a vida, de conservar parte da plasticidade das mentes infantiles, de valorar e preservar os valores da nenez.

Moitas grazas a todas as persoas que participaron nesta actividade, en especial a María por dirixila e a Ana por modelar á perfección a figura do Principiño en plastilina.

Comments

Onte eramos 14 con Marga. Xa que nesta festa só participaba alumnado de infantil e de 1º ciclo de primaria, tivemos que aprender o que era un club de lectura.

Falamos moito do conto que estivo voando durante un mes: Brancos e Negros de David Mckee. Comprendimos que o odio e a ira non conducen a nada, que o mellor é contar ata dez ou apretar os puños ou pensar como pode sentirse a outra persoa antes de enfadarnos moito con alguén.

Logo de ler o conto de novo e de reflexionar sobre el, fixemos un libriño de recordo no que escribimos a idade que temos, o que aprendimos co conto, o que sentimos cando o limos, o que nos lembrou...

Por suposto a sorpresa din que estaba riquísima...

Comments

Mañán irei ao corredor donde temos colocado o cartel para ver se hai algún anunciado.

Seguirei informando...

Comments

Vaia sorte a de Sara A. de 5 anos, de Xoana, Luis, Marta, Uxía, Miriam e Nico de 1º  e a de Brian, Iago, Brais, Hugo, Alejandro e Nerea de 2º por ter collido o conto voador ...

Como ben sabedes mañán, mércores 27 de xaneiro celebraremos na biblioteca a 2º festa dos contos voadores, intentaremos recordar o conto, falar del e disfrutar dunha doce sorpresiña.

Mais non vos preocupedes os que non tivestes a oportunidade de telo nas vosas mans, porque moi pronto botaremos a voar outro.Poñede toda a vosa atención e veredes como hai sorte...

David McKee, o escritor que escribiu o conto protagonista da xornada de mañán quixo decirnos algo moi, moi importante nesta preciosa historia.

Unha pista: Ten moito que ver coa festividade que imos celebrar o vindeiro venres no noso colexio...

Alguén se anima a escribilo no blog?

Comments

Durante unha hora mantivo a atención de todos nós con catro contos de ratiños relatados maxistralmente de formas diversas, dende a escenificación do conto do rato vello na que participaron nenas e nenos do colexio ata o precioso franelograma empregado no conto do baño.

Non podía faltar, por suposto, o acordeón que acompaña sempre ao noso amigo, para dar remate á xornada de animación coa que tanto disfrutamos.

"Lonxe de todo, lonxe de todo,

lonxe de todo, lonxe de todo está,

lúa de queixo, chuvia de contos...

...e se algún día, eu teño que marchar...

onde eu vaia, conmigo sempre virás,

onde eu vaia, conmigo sempre virás."

Comments

 O noso proxecto documental ”CAMIÑO DE SANTIAGO” bota a andar.

 Despois de cruzarnos nos últimos días nos corredores do centro cuns  misteriosos personaxes que, indiferentes ás nosas miradas, camiñan ensimesmados,  adiviñamos que se trata de peregrinos que van cara Santiago.

 Pois nós tamén imos, á nosa maneira: sen présa pero sen pausa, metendo nas nosas mochilas sabedoría , experiencia e tamén divertimento.

  Seguiremos aos nosos caminantes- guía: Dana,  Caracuncha, Cocote e Mareliña.

Dana marchará polo Camiño Inglés.  Caracuncha seguirá o Camiño Norte. Cocote fará o Camiño Francés e Mareliña  camiñará pola Ruta da Prata.

 Pero para  avanzar  precisarán da nosa axuda: debemos responder ás  preguntas  que nos farán sobre o camiño que están a percorrer. Só así poderán chegar a Santiago.

 Só así poderemos chegar a Santiago !

FELIZ ANDAINA!

Quero deixar constancia neste espazo de comunicación o noso agradecemento a Concha  que unha vez nos da a oportunidade de disfrutar lendo e investigando creando, diseñando e poñéndose ao frente deste magnífico proxecto que hoxe bota a andar.

Comments

O vindeiro venres, 22 de xaneiro, teremos a Cami con nós.

Din que o correo anda un pouco lento así que enviou un correo electrónico avisando da súa visita, informando que nos contaría "Contos de ratiños" de Arnold Lobel e adxuntando este precioso cartel...(penso que contratou un eficiente secretario para que lle fixera estos traballiños, porque Cami pasa o día lendo e non ten tempo para estas tarefas..., ou será unha secretaria?, seguiremos investigando...)

Comments

Comments

Será o vindeiro luns 18 de xaneiro, e están chamadas a participar todas aquelas persoas que colleron e leron o libro: Quen me quere adoptar? de Fina Casalderrei.

O nome das nenas e dos nenos participantes deberá estar escrito no cartel do Club.

Non faltedes á cita!

Prometemos sorpresas...

http://smilebox.com/playBlog/4d54517a4d7a63304e6a493d0d0a&blogview=true

Comments

Tanto a maxistral posta en escena -na que as alumnas e os alumnos ían subindo a un improvisado púlpito cheo de velas-, como a presentación con imaxes das diferentes dependencias do mosteiro nas que aparecen cada un deles tivo unha gran aceptación entre o variado público no que había alumnado de primaria e de secundaria.

A verdade é que aprendimos unha morea de cousas:

• Que o mosteiro ten máis de 1000 anos, xa que naceu no ano 952.
• Que foi obra dos condes de Présaras Hermenegildo e Paterna.
• Que pertenceu á orde do Císter, polo que tivo hospedería, enfermería, muiño, forxa, pombal, granxa, obradoiros...
• Que o núcleo monacal componse de igrexa, tres claustros, unha sala capitular, un refectorio ou comedor, unha cociña e outras dependencias para o desenvolvemento da vida dos monxes como os dormitorios...

Moitas grazas a todo o grupo e ao seu profesor polo esforzo e interese por participar nunha dinamización da lectura.

Comments

Todo comeza cando Roi, un ratiño ben simpático, disponse a sair da súa guarida para celebrar un magosto na escola e vese impedido ao ter a un gato comellón facendo garda ao lado do seu tobo. Cando xa se ve perdido e incapacitado, un ourizo dunha castaña lle cae na cabeza e o gato ao mordelo sae escarmentado, resolvendose deste xeito a situación e indo finalmente ao magosto.

Tanto a entretenida historia como as fantásticas voces coas que deron vida aos personaxes, a canción de rap e as cancións tradicionais que deron unha nota de cercanía ao conto fixeron as delicias de grandes e pequenos.

Moitas grazas, Fran, nenas e nenos de 4º polo voso esforzo e colaboración.

Comments

Vaia nave espacial tan chula!!!

A sesión con elas foi divertidísima: Empezando pola fala de Lupiña que chegou falando en alieníxena e  seguindo coa desorientación da avoa Violeta á quen lle tivemos que recordar que nas bibliotecas non se debe comer, beber, fumar, levar animais, chamar por teléfono, etc, etc, etc

Por suposto lembrámonos do noso amigo Cami que non poido vir por ter o cú cheo de granos, posiblemente polos experimentos que fixeron os astronautas cos ratos que iban na nave...Dende aquí lle enviamos unha forte aperta para que mellore.

Por último dicir que as nosas amigas contáronnos dous contos preciosísimos cos que disfrutamos e reflexionamos moito, moito: Segredo de familia e El muro.

Moitas grazas Lupiña, Violeta por aterrizar no noso cole, esperamos volver a soñar con vós.

Comments

E os deseños finalistas, de entre os que o xurado tivo que escoller  foron... 

Recordades cales foron os personaxes gañadores e como se chamaban ? 

Comments

Queremos agradecervos dende este espazo para a difusión a vosa participación, tanto a vós, nenas e nenos como ao profesorado que animou e dinamizou a actividade.

Moitas grazas.

http://picasaweb.google.es/margagalicia/PersonaxesGuia?authkey=Gv1sRgCKie-I6djIjL9AE#

Comments

Comments

Terá que ver con un conto?

Haberá algunha visita importante na biblioteca?

Celebrarase un ciclo de contos?

Será o venres a festa do club de lectura?

Imaxinade, poñede a andar o voso espíritu investigador e contádenos se xa sabedes o que vai suceder...

Prometemos resolver o enigma.

Comments