aventuras na biblioteca

 O Equipo de Biblioteca do CPI Armando Cotarelo Valledor de Boimorto

CONVOCA

Ao alumnado de lnfantil, Primaria, Secundaria e PCPI deste centro, a participar na creación e deseño dun personaxe-guía do

  PROXECTO DOCUMENTAL: "CAMIÑO DE SANTIAGO".

 BASES

1. Ser estudiante do colexio de Boimorto.
2. Que sexa unha creación persoal e sen axuda.
3. O debuxo terá unha base de vieira.
4. Elaborar un personaxe que sirve de guía camiñante do "Camiño de Santiago".
5. Deberá dárselle un “nome” polo que cada personaxe entregado terá un nome orixinal que o identifique. Dito nome entregarase aparte, nunca integrado no debuxo.
6. Poderase empregar calquera técnica artística: cera, pastel, acuarela, collage...
7. O debuxo non terá ningunha letra, palabra ou frase.

ENTREGA

1. As persoas concursantes deberán entregar as súas propostas a Concha, Fran ou Marga antes do vindeiro 6 de novembro de 2009.    
2. En folio aparte deberán engadir a seguinte información:
• NOME DA/DO  PARTICIPANTE
• CURSO
• NOME DO PERSONAXE

 PREMIOS

* Un xurado revisara todos os deseños recibidos e elixirá os  mellores
* A decisión do xurado será inapelable
* Publicaranse todos os deseños concursantes no blogue da biblioteca
* O día 13 de novembro publicarase cal son as/os gañadores.
* Os premios non serán en metálico e estarán relacionados coa lectura. Serán entregados ao finalizar o proxecto documental.
Cualquera dúbida, dirixídevos ao comité organizador: Concha, Fran ou Marga                                                  

 Equipo de Biblioteca
 

UAUUUUUUU!!!!!

VAIA CHULADA!

E esto de que vai?????

Se "As Meninas" foi interesante..., veredes "Camiño de Santiago", título do novo proxecto documental lanzado dende a biblioteca do noso centro...

Abride ben os olliños, escoitade polos corredores e non perdade detalle porque dígovos de verdade que este proxecto promete...

Coa I Tómbola dimos por finalizado o proxecto documental de As Meninas "Margarita escapou do cadro" o pasado venres 19 de xuño. Este proxecto planificado por Concha e no que colaborou gran parte do profesorado de infantil e primaria, promoveu no noso alumnado a investigación en torno ao cadro de As Meninas.

Para motivar ao alumnado as preguntas que se lanzaron foron dosificadas no tempo para permitir bucear nas diferentes fontes da biblioteca. Con cada resposta correcta as nenas e os nenos ían conseguindo "biblioratos" que celosamente ían gardando nun sobre habilitado para tal fin.

Aparte do coñecemento que pouco a pouco fumos adquirindo da obra de Velázquez, non sabiamos exactamente a finalidade de ir acumulando biblioratos ata que se celebrou a gran tómbola.

Vaia sorpresa cando Concha nos reuniu no patio cuberto e nos deu instruccións para canxear os nosos biblioratos...

Veredes...por cada bibliorato podiamos coller un ruliño de papel no que estaba escrito un número, por suposto, nas columnas do patio tiñamos unha relación de números e o seu correspondente premio. A verdade é que había premios para todos os gustos: pelotas, sobres sorpresa, contos, globos,lupas, pequenos xoguetes, libros de aventuras... 

Foi un día moi, moi especial. Moitas grazas de novo a Concha e a todas as persoas que dun xeito ou doutro participaron neste gran proxecto.

...e foi correndo a un prado onde había vacas. Como estaba cansa sentouse encima dunha rocha.

Pero non era unha rocha, senon unha vaca que estaba deitada. A vaca asustouse moito, e Margarita tamén ao vela. E botaron a correr.

Correndo, correndo chegou a Santiago e alí colleu un avión porque quería viaxar a Canarias. Quería poñerse morena e comprar un vestido.

Cando chegou a Canarias tumbouse na area, botou crema e comeu un xeado.

Como facía moita calor foi a nadar e atopou un golfiño que estaba triste porque se perdera.

O golfiño dixo que se subise nas súas costas para ir a pasear e Margarita aceptou.

O golfiño levou a Margarita a unha illa chamada As Palmas, onde había moitas palmeiras e o centro comercial máis grande de España.

Margarita e o golfiño atoparon unha chave na area cando estaban xogando. Tamén había unha pa ao pé dunha palmeira, coa que se puxeron a excavar.

Margarita e o golfiño atoparon un cofre agochado na area.

Abriron o cofre e había un tesouro e un biberón.

Logo apareceron uns piratas que levaron o cofre, o golfiño e á Infanta para o barco.

Pero antes de marchar para o barco decidiron abrir alí mesmo o cofre. E del saíu...unha pantasma!

A infanta aproveitou o momento para fuxir dos piratas e botou a nadar cara unha illa deserta.

Despois de nadar un anaco, Margarita estaba esgotada, xa case non daba avanzado e íase afundindo. De súpeto notou que alguén termaba dela e a arrastraba ata a area: era o golfiño que conseguira escapar dos piratas!.

Cando pisou a praia, a infanta tumbouse e adormeceu. Mentres durmía soñou que estaba xogando co can do palacio e que ría moito cos bufóns.

E cando espertou, empezou dar brincos e a berrar:

-Quero volver á casa! Quero volver á casa!.

Cando se fixo de noite, Margarita viu unha estrela fugaz que lle cumpriu o seu desexo...

E colorín, colorado Margarita está no cadro.

Este orixinal e divertido conto foi creado polo alumnado de educación infantil e primaria e editado en flash polas nosas compañeiras Patricia e Isabel. Grazas ao seu esforzo e constancia poidemos disfrutar das aventuras de Margarita cando escapou do cadro...

Este venres 19 celebrarase a I Gran Tómbola de Boimorto!!!!!

Xuntarémonos no patio cuberto ás 10:00 horas, alí faremos unha pequena asemblea onde se vos explicará, nenas e nenos, a onde tendes que ir cos vosos biblioratos para conseguir os pequenos premios e onde vos teredes que colocar para esperar a vosa quenda.

NON VOS PERDADES ESTE IMPORTANTE ACONTECIMENTO!!!

Esta actividade final é a culminación do proxecto de "As meninas" que se desenvolveu durante este curso na biblioteca e que grazas á colaboración do profesorado e do alumnado participante, e en especial grazas a Concha, convertimos no proxecto estrela deste ano.

Brillante introducción a de Concha que ademáis de coordinar a dramatización de "O cadro cobra vida", fixo que nos adentraramos  no cuadro de Las Meninas  analizando e recordando a investigación levada a cabo en torno a cada unha das personaxes: Margarita, Agustina Sarmiento, Dona Marcela, Isabel de Velázquez, José Nieto...e reflexionando sobre a intención do pintor ao plasmar esta imaxe deste xeito.

Compre dicir que o alumnado participante bordou a escena e que á pregunta de Que pasaría se estas personaxes empezaran a moverse? transportounos ao máxico mundo do cadro. 

Grazas a todas as nenas e nenos participantes e en especial a Concha polo seu entusiasmo e profesionalidade.

Luns, 4 de Maio.

Ás 15:30 horas.

Na Biblioteca.

SORPRENDENTE!

“O cadro cobra vida”

Os personaxes do cadro de Las Meninas, despois de permanecer inmóbiles durante máis de trescentos anos, saen a espreguizarse durante uns minutos.

NON ESPERES OUTROS TRESCENTOS ANOS PARA VELO!

Esta é a última proposta con que nos sorprende a nosa querida Concha, alma mater deste proxecto documental: Trátase dunha breve representación teatral, fundamentalmente mímica, que pretende compoñer   a instantánea   que  Velázquez plasmou no cadro de Las Meninas.
Despois de  introducirnos na  imaxe  do cadro proxectada nunha pantalla,   faremos  unha pequena semblanza  dos seus personaxes,  provocando,  ao mesmo tempo, a curiosidade e certos  interrogantes a  cerca dos misterios que encerra a obra. Farase fincapé no que fai cada personaxe e nalgún detalle que o identifique.
Rematado isto, pasarase á representación teatral  en si. Un por un, e identificado cun pequeno detalle, cada personaxe irá cobrando vida no taller que o pintor ten no Alcázar de Madrid. Será precisamente Velázquez quen intente poñer orde, tarefa que lle resultará bastante difícil. Fará constantes chamadas de atención, pero sen éxito,  para que cada quen ocupe o seu posto e  poder así empezar a pintar.
A voz que anuncia a chegada dos reis á sala deterá  por un instante o movemento das figuras do cadro, circunstancia que vai aproveitar o  pintor para inmortalizar o momento, como se dunha fotografía se tratara.
A luz  do flash dunha cámara porá fin á representación.

Non perdades esta fantástica oportunidade de presenciar tan orixinal evento o vindeiro venres 3 de abril na biblioteca do noso colexio, lembrade que por fin O CADRO COBRA VIDA

 Ti, como ves a Margarita?
Pois pon a punto  os teus apeiros de pintura e colorea a  nena de Las Meninas. O teu traballo será pagado.
E  a obra máis orixinal será copiada  para pintar a nosa Margarita de tamaño natural.
Atrévete!

Con esta invitación pretendiamos que as nenas e os nenos que están investigando sobre o cadro de Las Meninas, participara tamén artísticamente de forma activa. As fotos aquí expostas son unha mostra dos resultados. Esperamos que vos gusten: