aventuras na biblioteca

Pois si que o pasamos ben na festa do noso club.

Onte eramos 14 con Marga. Xa que nesta festa só participaba alumnado de infantil e de 1º ciclo de primaria, tivemos que aprender o que era un club de lectura.

Falamos moito do conto que estivo voando durante un mes: Brancos e Negros de David Mckee. Comprendimos que o odio e a ira non conducen a nada, que o mellor é contar ata dez ou apretar os puños ou pensar como pode sentirse a outra persoa antes de enfadarnos moito con alguén.

Logo de ler o conto de novo e de reflexionar sobre el, fixemos un libriño de recordo no que escribimos a idade que temos, o que aprendimos co conto, o que sentimos cando o limos, o que nos lembrou...

Por suposto a sorpresa din que estaba riquísima...

Vaia sorte a de Sara A. de 5 anos, de Xoana, Luis, Marta, Uxía, Miriam e Nico de 1º  e a de Brian, Iago, Brais, Hugo, Alejandro e Nerea de 2º por ter collido o conto voador ...

Como ben sabedes mañán, mércores 27 de xaneiro celebraremos na biblioteca a 2º festa dos contos voadores, intentaremos recordar o conto, falar del e disfrutar dunha doce sorpresiña.

Mais non vos preocupedes os que non tivestes a oportunidade de telo nas vosas mans, porque moi pronto botaremos a voar outro.Poñede toda a vosa atención e veredes como hai sorte...

David McKee, o escritor que escribiu o conto protagonista da xornada de mañán quixo decirnos algo moi, moi importante nesta preciosa historia.

Unha pista: Ten moito que ver coa festividade que imos celebrar o vindeiro venres no noso colexio...

Alguén se anima a escribilo no blog?

Por fin chegou o día no que celebraremos a 1ª festa do Club dos Contos Voadores.

Será o vindeiro luns 18 de xaneiro, e están chamadas a participar todas aquelas persoas que colleron e leron o libro: Quen me quere adoptar? de Fina Casalderrei.

O nome das nenas e dos nenos participantes deberá estar escrito no cartel do Club.

Non faltedes á cita!

Prometemos sorpresas...

http://smilebox.com/playBlog/4d54517a4d7a63304e6a493d0d0a&blogview=true

É un conto estupendo. Ánimo rapaces, collede o libro e así entraredes formar parte do clube!!.Pasade unha boa ponte!

No buzón de noticias da bibloteca apareceu a seguinte información:

O Club dos contos voadores é un club de lectura.
Que tes que facer para pertencer a este club?
LER, LER E LER…os contos que cada dúas ou tres semanas se poñan a voar.
Os contos voadores estarán nos carteles da planta de abaixo esperando a que os collas, os leas e os pases a outras mans.
Cando collas un conto, apunta o teu nome e o teu curso na plantilla dos nomes, leva o conto para a túa casa e cando o remates vólveo a poner no seu sitio para que outras nenas e outros nenos disfruten con el.
Cada quincena reunirémonos  na biblioteca para falar, ver, sentir ou rir… mais só poderán vira quelas nenas e nenos que leran o conto voador.
Ánimo e que teñas sorte para cóllelo!!!!!
Prometemos sorpresas!!!!!!

CLUB DOS CONTOS VOADORES
Equipo de Biblioteca CPI de Boimorto

Mañán, martes 24 de novembro, botaremos a voar dous contos polos corredores de Primaria. Lembrade que estes contos queren visitar moitas casas polo que se tedes a sorte de collelos, deberedes apuntar o voso nome na plantilla que se atopa no cartel e logo teredes que devolvelos ao mesmo lugar para que poidan pasar de man en man.

Logo de 2 ou 3 semanas (xa vos avisaremos) celebraremos a 1º sesión do CLUB DE LECTURA DOS CONTOS VOADORES. Alí, contaremos as nosas impresións sobre o conto, sentimentos que tivemos cando o limos, detalles da historia, a nosa opinión sobre ela...

Todas as nenas e o nenos que teñades lido o conto para daquela, poderedes participar desta pequena festa.

Así que, abride ben os ollos e...SORTE para collelo!!!!

 ATENCIÓN!!!!

Tres libros andan soltos pola escola!

Tres peligrosos libros fugáronse o venres á tarde da biblioteca de Boimorto, os tres deixaron unha nota na que declaraban a súa intención de liberarse e ver mundo e amenazaban con visitar todas as nosas casas...

Pese a intensa búsqueda, os tres contos continúan en paradero descoñecido.

Agradeceremos a todas as persoas que poidan dar algunha pista que o comuniquen inmediatamente deixando algún comentario neste blogue.

Dos fugados o curso pasado, dous foron capturados e un segue en busca e captura.

Continuarán os operativos de búsqueda

As socias e socios a data de hoxe son:

CLUB DOS CONTOS VOADORES:

EDUCACIÓN INFANTIL: JOSITO, NOELIA, ALEX, OLALLA, SILVIA.

EDUCACIÓN PRIMARIA: TRISTÁN, ELBA, TANIA, LAURA, VANESA, MARÍA S.R., MARÍA A.L., MANUEL, CRISTINA, ALBA P.

EDUCAIÓN SECUNDARIA: ADELA, PAULA, ÁNXELA, SONIA.

O club dos contos voadores é outra proposta de dinamización e fomento da lectura que puxemos en marcha a mediados de abril e que esperamos continuar de agora en adiante.

Comezamos co conto Nube de cores de Agustín Fernández Paz, e en canto o deixamos a disposición das nenas e dos nenos xa voou.

A continuación vos mostramos a información proporcionada no cartel.

Club dos contos voadores 

 Partindo da idea do “BookCrossing”, QUE CONSISTE EN liberar libros e facilitalos a todas as persoas que os queiran ler deixándoos en lugares públicos,  decidimos crear o club dos contos voadores.

ESTA iniciativa pretende ofrecERvos este libro voador para que poidades disfrutar del e compartilo con todas as nenas e nenos do centro.

Para unirte ao noso club, O CLUB DOS CONTOS VOADORES, SIMPLEMENTE TES QUE COLLER ESTE LIBRO, LEVALO PARA CASA OU PARA O RECREO, LELO E VOLVELO A DEIXAR NO LUGAR DONDE O ATOPACHES. 

é moi importante que lembres devolvelo para que outras persoas o poidan ler e sorrir con el.

ÚNETE AO NOSO CLUB !!!!! E CANDO COLLAS O CONTO E O LEAS, ESCRIBE O TEU NOME NA TÁBOA QUE ESTÁ AO LADO, DESTA MANEIRA SABEREMOS QUE XA  PERTENCES AO NOSO CLUB.

BENVIDA OU BENVIDO!!!!!!!!!!!!!!!!  

CLUB DOS CONTOS VOADORES  

  Tristán (3º E.P)    

   Elba (4º E.P)