aventuras na biblioteca

Pois si, tiñades razón, unha nova edición do ciclo de contos estaba a piques de se celebrar. Nesta ocasión o grao de expectación foi maior xa que ata o último día non soubemos en que momento se celebraría, e aínda máis, no cartel dos anuncios faltou a publicidade dun ata esa misma mañán...

O resultado, coma sempre, espectacular.

Tanto o conto de Boubou e Baia, a xirafa contado por Mar coma os contos de medo de Mini tiveron moi boa acollida.

 

Con Nicanor ten un tractor, Marita nos fíxo recordar todos os sons que vos poidades imaxinar e ao final tivemos unha gran sorpresa cando nos agasallou cun monicreque do tractor.

E Concha nos atrapou co seu  marabilloso conto e coa máxica araña que non paraba de atrapar animais. O que nos fixo pensar..., como un elefante podía rescatar a todos aqueles animais atrapados na tea de araña?

A resposta tivémola ao final. Xa que gustou tanto, convenceremos a Concha para que nolo volva a contar un día no recreo, vos parece ben?

O Equipo de Normalización Lingüística do colexio de Boimorto propuxo unha serie de actividades en relación ao fomento da lectura e da escritura que desexamos publicar neste espacio de aventuras coas palabras e que vos mostramos a continuación:

A PRIMAVERA DAS LETRAS

Durante os meses de abril e maio agroman as flores e tamén as nosas verbas e as nosas letras.

Por iso pretendemos levar a cabo no noso “particular xardín” unha serie de actividades coa finalidade de que todos xuntos, nenas e nenos, nais e pais , mestras e mestres, profesoras e profesores, avoas e avós... poidamos recuperar e participar da beleza da nosa língua, das nosas cancións, dos ditos e refráns... e en definitiva da nosa cultura.

Esta é a nosa Primavera das letras:

1.Animación á lectura para E. Infantil e E. Primaria por parte de David Otero o venres 11 de abril.

2.Charlas do escritor Darío Xohán Cabana na casa da cultura ás nenas e nenos da ESO sobre o homenaxeado deste ano o día das letras galegas : Xosé Mª Alvarez Blázquez.

3.Proxección do corto de Chano Piñeiro “Mamá Asunción” a partires do visionado da película, cada rapaza e rapaz pode traer da súa casa unha pequena reseña-memoria histórica en relación coa emigración na súa familia ( se houbo emigrantes...) .

4.“ A ucha das palabras” “ : Facer unha ucha onde poñer aquelas palabras propias daquí,tesouros da nosa língua que só perduran na fala dos avós. Cada rapaza e rapaz pode traer 4 ou 5 palabras que sexan “descoñecidas “ pero vencelladas a esta terra.

5.“ Recuperamos as nosas cancións”: “A saia de Carolina”, “Vén bailar Carmiña”, “Na beira do mar”, “Arroz con Chícharos”.......... co obxectivo de que as rapazas e os rapaces coñezan aquelas cantigas populares que todos cantabamos nas festas, vodas, excursións...

6.“ Os contos dos nosos avós “ : Faremos un pequeno libro cos contos que aínda lembran os maís vellos da zona .

7.“O Rincón da adiviña” : cada día haberá unha nova adiviña que acertar. Quen máis acertixos resolva será quen de levar un especial agasallo.

8.Cantigas, refráns....

9.Estudamos as árbores e os arbustos do noso contorno : actividade desenvolvida polo alumnado de E.I; E.P e ESO que inclúe unha saída para o recoñecemento dos mesmos.

10.O noso festival das letras galegas : o mércores 14 de maio.

DISFRUTEMOS DA NOSA LÍNGUA E PARTICIPEMOS DESTA PRIMAVERA!!!!