I Ciclo de contos curso 2009 - 2010
Que ben o pasamos no ciclo de contos...
Intentaremos relatarvos algo do que sucedeu hoxe á mañá no noso cole:
O tren de Martiño foi percorrendo a clase de 2º cun chucu, chu moi particular porque era un tren de madeira pintado con vivas cores e cunha historia ben entretida...Gracias Bea polo teu esforzo.
Con Roberto e Celia escoitamos unha fermosa historia de dous irmáns que un día escaparon da casa porque a súa nai lles facía ir á escola... Os nenos e nenas que escoitaron este conto tiveron unha sorpresa final que Marita debeu estar facendo durante toda a noite.
Comemedos, o amigo invisible da historia que contou Marga e que magníficamente representaron Yara e Natalia, pegouse hoxe un atracón cos medos das nenas e nenos de Boimorto que ao final do conto levaron unha caixiña comemedos na que gardaron o medo ao lobo, o medo á escuridade, ás serpes, ás pantasmas...
Como cada venres, os pais de Fran e Sara van ir ó cine e a avoa Raquel quedará con eles, pero soa o teléfono. A avoa di que tivo que ir facer unhas compras...Con este suxerente comezo deu vida Fran á historia de Que medo mamá Raquel! que fixo as delicias das nenas e nenos que escolleron este conto gracias á dixitalización das imaxes e á presentación das mesmas.
Chúzao
del.icio.us
